| My Treehole, 我返0黎喇 拍拖咁耐,就無好好咁同你講過0野 而家我返0黎喇 ---------------------------------
沒有Dress code0既日子,沒有返工途中地鐵上0既通電 gmail的chat alert唔再閃 我0既悲傷比我預期中少,我都唔知點解 但我訓得好差,基本上好似無訓過咁,成晚都係同0的公仔&細佬玩 我今晚想訓好0的 ------------------------------ 搵到一個自己愛,又愛自己0既人係好難0架!所以我好珍惜同你一齊0既日子,雖然唔係好長,但我覺得我每一日都無白過,我好開心,從未如此咁投入地去愛過 我以為,當我地儲夠錢,我地就會結婚,生BB 但你話,基於我無法做到日日都著tube top打底,你就接受唔到我,就話我地唔夾,就唔能夠起埋一齊 我無盡過力咩?我盡左力仍然係同之前無分別咩?我真係咁暴露? 0係我有努力0既同時,你又有無記住,其實你對我身體0既控制係好唔尊重,好insulting0既呢?定係你就只係記住,如過我唔小心走光被其他男人望到,你就會覺得好insulting? 點解明明上次話左compromise,而家你又可以再將你0既底線向前推0既?我都無做錯!!!我已經依足你講0既去做啦.....會唔會就算我應承埋你今次,你下次又會再收緊我0既自由,要我365日都著樽領,之後再變成伊斯蘭教0的婦女咁? 點解你會想同我分手0架???好似自上一次嗌交,我都有講過話唔准再提呢個問題0架喎!!你話過,只要我識得保護自己,有需要時就著tube top,你就唔會再為呢樣0野嘈....雖然我話過再提就會分手,但結果之後你有提,我都無去到咁絕要分手啦.....點解0係我無走光0既情況下,你都要提出呢個option俾我去揀? 我真係好唔明你唔開心0的咩...個身體係我0既,我都未至於咁唔樂意去按你要求著tube top 但就因為我唔肯日日(即係下半世)都為你著 tube top,你就唔開心到掉底我,一個人走左去,然後失蹤一日之後就同我講一係聽你話,一係就分手
估唔到我同你以前0既女朋友一樣,除左呢樣0野聽你話,我就再無其他0野值得你愛 ............
--------------------------------------------- 係0既,我都認同咁樣真係無辦法過埋下半世....儘管我從來無質疑過我地之間0既愛;從來無質疑過你對我0既心...... 但係都無喇.... 對唔住呀,我cut你線,但對住你我真係無話可說喇 希望我地以後重係朋友 希望你以後都會過得快樂 祝福你能夠找到一個唔會走光,聽晒你話,又愛你0既女孩,同你白頭到老 亦都祝福我找到一個唔再control我身體0既男朋友 再見喇..... |
)
